لە سنووری راپەڕین
بازرگانێکی ماددەی هۆشبەر بە پێنج کیلۆ کریستاڵەوە دەستگیر کرا
964+
توانا نەقی
بەڕێوەبەرایەتیی گشتیی نەهێشتنی ماددە هۆشبەرەکانی دەزگای ئاسایشی هەرێم، لە سنووری ئیدارەی راپەڕین بازرگانێکی ماددەی هۆشبەریان دەستگیر کرد.
بەڕێوەبەرایەتیی گشتیی ئاسایشی سلێمانی ئەمشەو بڵاویکردەوە، لە رۆژی 4.10.2025 دوای بەدواداچوون و چاودێریی توند توانیویانە بازرگانێکی ماددەی هۆشبەر دەستگیر بکەن و دەست بەسەر بڕی 5 کیلۆ ماددەی جۆری کریستاڵدا بگرن.
ئاماژە بەوەش کراوە، ماددەکە کریستاڵ ئەمفیتامین بووە و بە مەبەستی ساغکردنەوە لە دەرەوە هێنراوەتە هەرێمی کوردستان.
ئێستا تۆمەتبار بە بڕیاری دادوەر بە ماددەی 25 لە یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان راگیراوە و لێکۆڵینەوە لە دۆسیەکەی بەردەوامە.