نرخى نەوت لەخوار 66 دۆلارەوەیە

وریا فەتاح

نرخی نەوت بەردەوامە لە دابەزین و هاتە خوار 66 دۆلار و ئەوەش دواى ئەوەى لە یەکەم رۆژى هەناردەى نەوت پێنج رۆژ پێش ئێستا نرخى یەک بەرمیل 70 دۆلارى تێپەڕاند.

ئەمڕۆ پێنجشەممە، 2.10.2025، نرخى نەوت لە بازاڕەکانى جیهاندا بە 65 دۆلار و 71 سەنت، مامەڵەى پێوە دەکرێت.

هەروەها نرخی یەك بەرمیل نەوتی تێكساس بە 62 دۆلار و 11 سەنت مامەڵەی پێوەدەکرێت .

ئەوەش لە کاتێکدایە، رۆژى 27ـى ئەم مانگە، هەناردەى نەوتى هەرێم بۆ بەندەرى جەیهانى تورکیا دەستیپێکردەوە و لە یەکەم رۆژى هەناردەکردنەوەکەش، نرخى بەرمیلێک نەوت 70 دۆلارى تێپەڕاند.