"پێدەچێ بۆری ئاو شکابێ"
ئەی تی ئێمەکانی دەربەندیخان خۆیان تەڕ کردووە و ئاویان لێ دێتەدەرەوە
964+
میلاد جەلال – گەرمیان
بەپێی گرتە ڤیدیۆیەک کە بۆ 964 نێردراوە، لەژێر ئامێرەکانی ATM لە قەزای دەربەندیخان، ئاو ھەڵدەقوڵێت و شەقامەکەی بەتەواوەتی تەڕ کردووە.
ئەو ھاوڵاتییەی ڤیدیۆکەی ناردووە، بە 964ى وت، “لە دوێنێ بەیانییەوە و لەکاتی ھاتنەوەی ئاوی ماڵان، لەژێر ئەو ئامێرەوە ئاو دێتە دەرەوە، رەنگە بۆری ئاو شکابێت و لەکاتەشەوە ئاوێکی زۆر بەفیڕۆ چووە”.
سەبارەت بەو بابەتە 964 پەیوەندیکرد بە رۆژگار ناسیح بەڕێوەبەری ئاوی دەربەندیخان ئەو وتی، “ئاگاداری ئەو بابەتە نین و ھیچ کەسێک ئاگاداری نەکردووینەتەوە، گومانیش ناکەین لەو شوێنە بۆری ئاو ھەبێت”.
رۆژگار ناسیح دەڵێت، سبەینێ تیمێکیان دەچێتە شوێنەکە و ئەگەر بۆری ئاو شکابێت، بەخێرایی چاکی دەکەنەوە.
پێداچوونەوە؛ شۆڕش قادری
بە هۆی بێ پارەییەوە کرم کەوتووەتە ئاوی گەڕەکێکی دەربەندیخان
