لە گوندێکی شارباژێر دوو گولـلە هاون دۆزرانەوە

شۆڕش قادری

لە گوندی مۆکەبەـی سەربە قەزای شارباژێر دوو گولـلەی هاوەنی 60 ملم دۆزرانەوە، لەلایەن تیمەکانی مینلابەرەوە هەڵگیرانەوە و گوازرانەوە بۆ شوێنێکی پارێزراو.

بەپێی راگەیەنراوێکی دەزگای گشتی کاروباری مین، چەند هاوڵاتییەک پەیوەندیان بە ژمارەی 182ـی دەزگاکەوە کردووە و ئاگاداریان کردوونەتەوە لە بوونی چەند پاشماوەیەکی جەنگی لەگوندی مۆکەبە.

دواتر و سەرلەبەیانی ئەمڕۆ سێشەممە 23.9.2025 تیمی تەقاندنەوەی بەڕێوەبەرایەتی گشتی کاروباری مینی سلێمانی، چوونەتە شوێنەکە و پاشماوە جەنگییەکانیان بۆ شوێنێکی پارێزراو گواستۆتەوە کە دوو گولـلە هاوەنی 60 ملم بوون.