دیمەنی یەکێک لە شەقامە سەرەکییەکانی قەزای کەلار _ وێنە: بۆ 964 نێردراوە
بڕیاری هاتوچۆیە
وەستانی بارهەڵگر لای قوتابخانە و شوێنە گشتییەکانی گەرمیان قەدەغەکرا
964+
ئەحمەد مستەفا
هاتوچۆی گەرمیان دەڵێ، بۆ سەلامەتی گیانی منداڵان و هاوڵاتییان، ئاگاداری شۆفێری ئۆتۆمبێلە بارهەڵگرەکان دەکەن وەستاندنی سەیارەکانیان لە بەردەم قوتابخانە و باخچە شوێنە گشتییەکان قەدەغەکراوە.
هاتوچۆ لە بڵاوکراوەیەکدا کە 964 بینوویەتی باسی لەوەکردووە، بە هەموو شێوەیەك وەستان لە نزیك قوتابخانە و باخچەکان و شوێنە گشتیەکان قەدەغەیە بۆ هەموو بارهەڵگرەکان.
دەشڵێ، رێگە پێدراو نییە و تکایە بۆ ئەو مەبەستە ئاگاداربن، بۆ ئەوەی تووشی سزای یاسایی نەبن، هەروەها دەبێت پێکەوە هاتوچۆیەکی سەلامەت دابین بکەین.
