لۆگۆی پۆلیسی کەرکوک... گرافیک؛ 964+
لە بێجی
پۆلیسی کەرکوک و سەڵاحەدین تۆمەتبارێکی بکوژیان دەستگیر کرد
964+
توانا نەقی
پۆلیسی سەڵاحەدین بە هەماهەنگی لەگەڵ پۆلیسی کەرکوک، تۆمەتبارێکیان دەستگیرکرد کە تۆمەتبارە بە کوشتنی دوو کەس لە کەسوکارەکەی و بریندارکردنی کەسێکی دیکە لە قەزای دوبس.
ئەمڕۆ هەینی پۆلیسی کەرکوک بڵاویکردەوە، شەڕوو ناکۆکی لە نێوان خێزانێک روویداوە لە دوبس و لە ئەنجامدا دوو کەس لەلایەن ئامۆزایەکیانەوە کوژراون و کەسێکی دیکەش بریندار بووە.
ئاماژە بەوەکراوە، دوای ئەوەی تۆمەتبار هەڵاتووە بەرە و بێجی بەڵام نەیتوانییەوە لەوەزیاتر هەڵبێت و لە ماوەی چەند کاتژمێرێک لەلایەن فەرماندی ئۆپراسیۆنەکانی سەڵاحەدین و کەرکوک دەستگیر کراوە.
ئێستا ئەو تۆمەتبارە بە پێی مادەی 406 لە یاسای سزادانی عێراقی راگیراوە و لێپرسینەوەی یاسایی لەگەڵ دەکرێت و سزای خۆی وەردەگرێت.
