خەوى لێکەوتووە
کرێکارێ لە پڕۆژەى رێگاى کۆیە کەوتە ژێر عادیلە و گیانى لەدەستتدا
964+
وریا فەتاح
بەیانى ئەمڕۆ کرێکارێک لە پڕۆژەى دووسایدى کۆیە بۆ هەولێر کەوتە ژێر عادیلە و گیانى لەدەستدا.
قارەمان ئەحمەد، کەسوکارى ئەو کرێکارە بە 964ـى وت،”تەنیا ئەوەندەیان بە ئێمە وتووە کە کەوتووەتە ژێر عادیلە و بەهۆیەوە گیانى لەدەستداوە”.
وتیشى رووداوەکە بەو شێوەیە روویداوە،”ئەو کوڕەمان لەبەردەمى عادیلەیەک خەوتووە، شۆفێرەکەى نەیزانیوە و خستوویەتییە ژێرەوە”.
دەشڵێت: کوڕەکەیان تەمەنى سەروو 30 ساڵە و خێزاندارە و باوکى پێنج منداڵە.
لە ئێستادا تەرمى ئەو کرێکارە لە کۆیەیە بڕیارە کەمێکى تر ببرێت بۆ گۆڕستانى گوندى حاجى وسوو و لەوێ بەخاکى بسپێرن.
پێداچوونەوە: وریا فەتاح