خواردنگەکە داخرا

لە دهۆک زیاتر لە 45 کەس بەهۆی خواردنی خواردنگەیەک ژەهراوی بوون

964+

شۆڕش قادری

لە دهۆک زیاتر لە 45 کەس بەهۆی خواردنی خواردنگەیەک لەناو سەنتەری شار ژەهراوی بوون و بەوهۆیەوە خواردنگەکە داخرا.

مەتین جەمیل وتەبێژی تەندروستی دهۆک بە 964ـی وت، “زیاتر لە 45 کەس بەهۆی خواردنی خواردنگەیەک ژەهراوی بوون کە تا ئێستا ژمارەیەکیان لە نەخۆشخانە ماونەتەوە و لە ژێر چاودێری پزیشکیدان، بەشێکیشیان رەوانەی ماڵەوە کراونەتەوە”.

ئاماژەی بەوەشکرد، ئەمڕۆ دووشەممە 25.8.2025 لیژنە هاوبەشەکانی قایمقامیەتی قەزای ناوەندی دهۆک و تیمەکانی خۆپاراستنی تەندروستی، خواردنگەکەیان بە یەکجاری داخستووە کە لەناو سەنتەری دهۆک بووە.