ستافی نوێ و کۆنی مەشقی یانەی دهۆک فۆتۆ: پەیجی یانەی دهۆک
دهۆك راهێنه‌رێكی نوێی ده‌ستنیشانكرد
964+
ئه‌رسه‌لان عه‌بدوڵڵا
یانه‌ی دهۆك راهێنه‌رێكی نوێی بۆ تیپی تۆپی پێی له خولی كوردستان ده‌ستنیشانكرد، دوای ئه‌وه‌ی راهێنه‌ری پێشوو ده‌ستی له‌كاركێشایه‌وه.
یانه‌ی دهۆك له فه‌یسبووك بڵاویكرده‌وه، ئاشتی مسته‌فا و ئازاد ئه‌حمه‌د وه‌ك راهێنه‌ر و یاریده‌ده‌ری راهێنه‌ر، ده‌ستیان له‌كاركێشایه‌وه.
یانه‌كه سوپاسی ئه‌و دوو راهێنه‌ره‌ی كرد، كه له ماوه‌ی رابردوو مه‌شقی تیپه‌كه‌یان له ئه‌ستۆ بووه.
له هه‌مانكاتدا یانه‌ی دهۆك ئاشكرایكرد، عه‌لی وه‌حیده‌دین وه‌ك راهێنه‌ر و هه‌رژه‌نگ بابه‌كر وه‌ك راهێنه‌ری توانای جه‌سته‌یی، تیپه‌كه له ئه‌ستۆ ده‌گرن.
یانه‌ی دهۆك له خولی نایابی كوردستان بارودۆخ و ئه‌نجامه‌كانی باش نین، ئێستا له پله‌ی كۆتایی ریزبه‌ندییه و ته‌نیا 14 خاڵی هه‌یه.