دیمەنی یەکێک لە وێستگەکانی کارەبای سۆران ... وێنە؛ بەرێوەبەرایەتی گشتی کارەبای سۆران.
1840 مێگاوات زیادیکردووە
وەزارەتی کارەبا: بڕی بەرهەمهێنان گەیشتە 8200 مێگاوات
964+
ژووری هەواڵ
وەزارەتی کارەبای حکومەتی هەرێمی کوردستان رایگەیاند، بڕی یەک هەزار و 840 مێگاوات بەرهەمهێنانی کارەبا زیادیکردووە و کۆی گشتی گەیشتووەتە هەشت هەزار و 200 مێگاوات.
ئەمڕۆ سێشەممە 12.8.2025، وەزارەتی کارەبای هەرێمی کوردستان رایگەیاند، سێ هەزار و 503 پرۆژەی دابەشکردنی کارەبا جێبەجێکراون و بڕی بەرهەمهێنان گەیشتووەتە هەشت هەزار و 200 مێگاوات.
بەگوێرەی دواین ئاماری وەزارەتەکە، 500 هەزار هاوبەشی نوێی کارەبا زیادکراون و بڕیارە لە 2026 کارەبای 24 کاتژمێری بۆ هەموو هەرێمی کوردستان دابین بکرێت.
وەزارەتی کارەبا راشیگەیاند، ئێستا زیاتر لە 30%ـی دانیشتووانی هەرێمی کوردستان کارەبای 24 کاتژمێرییان هەیە و دوو هەزار و 100 مۆلیدەش کوژێندراونەتەوە.
