لە سنووری دەربەندیخان

راوچیەکان هەڵاتن بەڵام کەلوپەلەکانیان دەستی بەسەردا گیرا 

  964+

توانا نەقی

لەلایەن مەفرەزەیەکی پۆلیسی دارستان و ژینگەی دەربەندیخانەوە کۆمەڵێک کەلوپەلی راوکردن و چەک دەستی بەسەردا گیراوە بەڵام راوچییەکان هەڵاتوون.

ئەمڕۆ چوارشەممە، پۆلیسی دارستان و ژینگەی سلێمانی بڵاویکردەوە، مەفرەزەیەكی بەشی پۆلیسی دارستانی دەربەندیخان و بنکەی باوەخۆشێن دەرچوون بۆ سنوری گوندی ئیمام قادر دوای ئەوەی دوو هاوڵاتی بەدیکران کە سەرقاڵی راوکردنن.

ئاماژە بەوەشکراوە، پێش گەیشتنی مەفرەزەکە تۆمەتباران هەڵااتن و چەند کەل و پەلێکیان لەپاش بەجێمابوو.

 ئەو کەلوپەلانەی دەستیان بەسەردا گیراوە پێکهاتبوون لە:

یەک چەکی M16
یەک مەغزەن 
21 فیشەك  
یەک کۆڵەپشت 
یەک ماتۆڕسکیل