کۆتایى شەپۆلە بەهێزەکەى گەرما راگەیەندرا

964+

وریا فەتاح

وەزارەتى گواستنەوە و گەیاندن، کۆتایى هاتنى ئەو شەپۆلە بەهێزەى گەرمایەى راگەیاند کە چەند رۆژێک بوو هەرێمى کوردستانى گرتبووەوە.

پلەکانى گەرما 3 بۆ 6 پلەى سیلیزى دادەبەزن

وەک ئەوەى وەزارەتەکە بڵاوى کردووەتەوە، ئەمڕۆ سێشەممە بەرزترین پلەکانى گەرما هەر بە بەرزى دەمێنێتەوە سەنتەرى پارێزگاکان بە گشتى لە سەرووى 45 پلەى سیلیزى دەبێت و ناوچە شاخاوییەکان لە 42 پلەى سیلیزى نزیک دەبێتەوە.

گەرمیان بۆ ئەمڕۆش هەر بە 49 پلەى سیلیزى دەمێنێتەوە

“سبەى چوارشەممە کاریکەرى ئەم شەپۆڵە گەرمایە لەسەر ناوچەکەمان کۆتاى دێت و پلەکانى گەرما دەگەڕیتەوە بۆ ئاستى ئاساى خۆى بۆ ئەم وەرزە”، وەزارەتى گواستنەوە وادەڵێت.

وەزارەتەکە پێشبینى کردووە، پلەکانى گەرما 3 بۆ 6 پلەى سیلیزى داببەزن و تا چوارشەممەى داهاتوو هیچ شەپۆلێکى گەرما بۆسەر هەرێم بوونى نابێت.

چەند رێنماییەك بۆ خۆپاراستن لە گەرمای هاوین