هەورە بروسکە ژمارەیەک سەر ئاژەڵی مردار کردەوە

دیلان محەمەد جەزا – سلێمانی

ئەم باران و هەورە بروسکەیەی ئەمڕۆ رووی لە بەشێک لە ناوچەکانی هەرێمی کوردستان کردووە، بوو بە بەڵا بۆ بەشێک لە ئاژەڵان و لە ناوچەی شارباژێڕ هەورە بروسکە لە ژمارەیەک سەر ئاژەڵیدا و مردار بوونەوە.

عەلی ساڵح، ئەنجومەنی گوندی گەڵاڵە بە 964ـی وت، نیوەڕۆی ئەمڕۆ سێشەممە 15.7.2025، هەورە بروسکە داویەتی لە ژمارەیەک سەر ئاژەڵ لە سنووری گوندی گەڵاڵە و مرداری کردوونەتەوە.

وتیشی، ئەو ئاژەڵانەی مردار بوونەتەوە، بزن بوون ژمارەیان  نزیکەی 16 سەر دەبن، تەنیا زیان بەر ئاژەڵەکان کەوتووە و شوانەکەیان سەلامەتە.

باسی لەوەشکرد، رووداوەکە لە گۆمەسپ روویداوە و لە نیوەڕۆوە بارانەکە دەستیپێکردووە و تا ئەم ساتەش خۆشی نەکردووەتەوە.

پێداچوونەوە: ژێوار خدر