چەند دوکانێکی فرۆشتنی مەشروب داخرا

عەبدولعەزیز خالند – هەولێر

ئەمشەو دووشەمە، 7.7.2025  سێ دوکانی فرۆشتنی مەشروب لە گەڕەکی هەڤاڵانی هەولێر داخران، بەهۆی ئەوەی نزیکی ماڵانن و خەڵکیان هەراسان کردبوو.

نەبەز عەبدولحەمید، قایمقامی هەولێر، بە 964ی وت، “ئەمشەو لەلایەن لێژنەکانی قایمقامیەتەوە سێ دوکانی فرۆشتنی مەشروب داخران، هۆکاری داخرانەکەشی ئەوەیە دوکانەکان دەکەونە نزیک ماڵان و خەڵکی نزیک لەو  شوێنانەیان هەراسان کردبوو.

وتیشی، هەرچەندە دوکانەکان مۆڵەتیشیان هەبوو بەڵام مادام خەڵکیان هەراسان کردووە داخراون و رۆژانەش ئەو هەڵمەتانەیان هەیە و بەردەوامیش دەبن”.

پێداچوونەوە: ئەرسەلان عەبدوڵا