زۆرى نەمابوو بخنکێت؛ بەڵام تیمەکان فریاى کەوتن

وریا فەتاح

ئێوارەى ئەمڕۆ هەینى، گەنجێک لە بەنداوى گۆمەسپان، لەکاتى مەلەکردن تووشى نقوم بوون دەبێت، بەڵام تیمەکانى رزگارکردن بە خێرایى فریاى دەکەون و رزگارى دەکەن.

بەرگرى شارستانى هەولێر بڵاوى کردەوە، گەنجێک کە تەمەنى 18 ساڵەى دانیشتووى قەزاى بنەسڵاوە، ئێوارەى ئەمڕۆ هەینى لە بەنداوى گۆمەسپان مەلەى کردووە، بەڵام لەناکاو توشى نقوم بوون دەبێت و دەکەوێتە ژێر ئاوەکە.

وەک باسى دەکات، تیمە جێگرەکانیان کە تیمى ژێرئاوکەوتنى رووباری خەبات کە بە شێوەی 24 کاتژمێری بۆ رزگارکردنی هاوڵاتیان لە بەنداوەکەن جێگیر کراون، فریاى گەنجەکە دەکەون و رزگارى دەکەن.

دەشڵێت: دواى ئەوەى گەنجەکەیان لە مردنێکى مسۆگەر رزگار کردووە، رادەستى کەسوکاریان کردووەتەوە.