چەند سەنتەرێکی چارەسەرکردنی تووشبووانی ماددەی هۆشبەر دەکرێتەوە

+964

دەشتی عارف ـ هەولێر

حکومەتی هەرێمی کوردستان بڕیای داوە چەند سەنتەرێک لە کوردستان بکاتەوە، تێدا ئەو کەسانە چارەسەر دەکات، کە تووشی بەکارهێنانی ماددەی هۆشبەر هاتوون.

سەڵاح ئەنوەر بەگ، راوێژکار لە وەزارەتی کار و کاروباری کۆمەڵاتی، بە 964ی وت، حکومەتی هەرێمی کوردستان کار دەکات بۆ کردنەوەی ئەو سەنتەرانەی کە تێدا تووشبوان بە ماددەی هۆشبەر چارەسەر دەکات، ئێستاش سەنتەرێک لە شەقڵاوە کراوەتەوە و شوێنی 500 کەسی تێدا دەبێتەوە و لە داهاتووشدا سەنتەری هاوشێوە لە دهۆک و سلێمانی و شارۆچکەکانی دیکە دەکرێتەوە”.

بەپێی ئەو ئامارانەی لایەنە پەیوەندیدارەکان بڵاوی دەکەنەوە، تووشبوون بە ماددەی هۆشبەر لە كوردستان لە هەڵکشاندایە و رۆژانە  بەکارهێنەران و بازرگانانی ماددەی هۆشبەر دەستگیر دەکرێن.

پێداچوونەوە: ئەرسەلان عەبدوڵا