میوەفرۆشەکانی سەرشەقامی چوارچرای نوێ لە سلێمانی لابران 

توانا نەقی

بەشی لابردنی زیادەڕۆیی شارەوانی سلێمانی هەڵمەتێکی لابردنی زیادەڕۆییان لە چەند شەقام و گەڕەکێکی سلێمانی ئەنجامدا و میوەفرۆشەکانی دوو سایدی چوارچراشیان لابرد.

ئەمڕۆ سێشەممە، سەرۆکایەتی شارەوانی سلێمانی بڵاویکردەوە، بەشی لابردنی زیادەڕەۆیی و سەرپێچی سەر بە سەرۆکایەتیمان و تیمی چاودێری هەڵمەتێکیان ئەنجامدا لە چەند شەقام و گەڕەکێکی شار.

شارەوانی ئاماژەی بەوەشکردووە، لە هەڵمەتەکەدا رێکاری یاسایی بەرامبەر بە دوکاندارەکان و ئەو هاوڵاتیانەی زیادەڕۆییان کردبووە سەر شۆستە و شەقام لە سنوری شەقامی 30 مەتری ئازادی و گەڕەکی قادراوا  گیرایە بەر.

لەلایەکی دیکەشەوە هەستاون بە لابردنی میوەفرۆشەکانی سەر شەقامی دووسایدی چوارچرای نوێ کە سکاڵای زۆری هاوڵاتیانی لەسەر بوو ە و ببووە هۆی دروستکردنی ئاستەنگی هاتوچۆ.