پشکنینی بەرهەمەکان لە عەلوەی کەلار راگیرا
+964
میلاد جەلال – گەرمیان
ماوەی چوار رۆژە، کارەکانی کۆمپانیای (سروشتی زینانە) بۆ پشکنینی بەروبوومی کشتوکاڵی لە عەلوەی کەلار راگیراوە، بەڕێوەبەری کۆمپانیاکەش دەڵێت بەشێوەیەکی کاتی کارەکانیان وەستاوە.
مەحەمەد ئیبراھیم، بەڕێوەبەری کۆمپانیای سروشتی زینانە، بە تۆڕی 964ی راگەیاند، لە چەند رۆژی داھاتوو دەست بە کارەکانیان دەکەنەوە.
لەبارەی ھۆکارەکانی داخستنی کۆمپانیاکە وتیشی، لەگەڵ کۆمپانیای جێبەجێکاری پرۆژەی عەلوەی کەلار گرفتیان بۆ دروستبووە، ئێستا ھیچ پشکنینێک بۆ بەرھەمەکان ناکرێت لە عەلوەکە.
بەپێی زانیاریەکانی تۆڕی 964، پڕۆژەی عەلوەی کەلار کێشەی خاوەندارێتی ھەیە لە نێوان کۆمپانیای جێبەجێکار و وەبەرھێنەرێک، کۆمپانیای پشکنینی بەروبومە کشتوکاڵیەکانیش ماوەی دوو مانگە لە عەلوەی کەلار دەستبەکار بووە، ئۆفیسی لەناو عەلوەکەیە بینای تایبەت بەخۆی نییە.
پێداچوونەوە: هێمن بەکر