هەولێر
مانگایەک لە ترسی قوربانی هەڵاتووە و دۆزراوەتەوە
+964
عەبدولعەزیز خاڵند – هەولێر
لە گوندی گەزنەی نزیك هەولێر، هاوڵاتییەك ئەمڕۆ بەیانی مانگایەكی لە ناو دەغڵودانی خۆیان دۆزیوەتەوە، كە پێدەچێت لە ترسی سەربڕین و كردنەقوربانی هەڵاتبێت، هاوڵاتییەكە چاوەڕێدەكات خاوەنەكەی پەیدا ببێت، بەڵام بۆ رادەستكردنەوەی مەرجی هەیە.
رابەر مەجید ئەو هاوڵاتییەیە، كە مانگاكەی دۆزیەوەتەوە و بە 964ی وت، “هەر كەسێك خۆی بە خاوەنی دەزانێت، بابێت ناونیشان و وەسفی مانگاكە بكات، منیش دەیدەمەوە، چونكە نامەوێت ماڵی كەسم لەلابێت”.
وتیشی” ئاو و ئالیكم بە مانگاكە داوە و چاوەڕێی خاوەنەكەی دەكەم”.
پێداچوونەوە: ئەرسەلان عەبدوڵا
