نرخی نەوت لە شوێنی خۆی چەقیوە

964+

ئەرسەلان عەبدوڵا

نرخی نەوت تاڕادەیەك جێگیرە و جۆرێك لە سەقامگیریی بەخۆیەوە بینیوە، راگرتنی بڕیاری باجە گومرگییەكانی ئەمریكا كاریگەریی لەسەر نرخی نەوت دروست كردووە.

بەپێی بۆرسەی جیهانی نەوت، ئەمڕۆ یەکشەممە 8.6.2025 یەك بەرمیل نەوتی برێنتی ئەمریكی بە 66.47 دۆلار مامەڵەی پێوەكرا، هەروەها یەك بەرمیل نەوتی سووكی تێكساس 64.57 دۆلار مامەڵەی پێوەكرا.

لە رۆژانی رابردوو نرخی نەوت بەرەو دابەزینی بوو، بەڵام دوو رۆژە تاڕادەیەك سەقامگیرە، ئەمەش دوای ئەوە دێت ئەمریكا بۆ ماوەی سێ مانگ بڕیاری جێبەجێكردنی باجە گومرگییەكانی بەسەر ژمارەیەك وڵاتدا راگرت، ئەمە جگە لەوەی خواستی نەوت لە بازاڕدا زیادبوونێكی ئەوتۆی بەخۆیەوە نەدیوە.