شەقامەکە بەرتەسک دەکرێتەوە
تا بۆتان دەکرێت ئەم ماوەیە خۆتان لە تونێلى پێشڕەو مەدەن
964+
وریا فەتاح
هاتوچۆى سلێمانى ئاگادارى شۆفێران دەکاتەوە، بەهۆى نزیکبوونەوەى کارەکانى پڕۆژەى دووسایدى رێگەى هەوارى شار بەرەو تونێلى پێشڕەو، ئەم ماوەیە شەقامى بەردەم تونێلى پێشڕەو بەرتەسک دەبێتەوە و تواناى قەرەباڵغى زۆرى نییە.
هاتوچۆى سلێمانى ڤیدیۆیەکى بەردەم تونێلەکەى بڵاوکردووەتەوە و تێیدا موقەدەم محەمەد، لێپرسراوى هاتوچۆى شارباژێر زانیارى لەبارەى بەرتەسککردنەوەى شەقامەکە دەخاتەڕوو کە گرنگترینیان ئەمانەن:
یەکەم: بەهۆى نزیکبوونەوەى کارەکانى دووسایدى شەقامى هەوارى شار لە تونێلەکە، بەرتەسکبوونەوە دروستبووە.
دووەم: شەقامێکى لاوەکى کراوەتەوە بۆ ئەوەى هاتوچۆ بە تەواوەتى پەکى نەکەوێت.
سێیەم: شەقامە لاوەکییەکە تواناى قەرەباڵغى زۆرى نییە، بۆیە باشترە شۆفێران رێگاى سەرشاخ بەکاربهێنن بۆ هاتوچۆى نێوان سلێمانى و شارباژێر و سیتەک.
چوارەم: بڕیارە کارەکان بەزوویى تەواو بکرێن و هاتوچۆى ئاسایى ببێتەوە.
بپێنجەم: باشترە شۆفێران کەمتر خۆیان لە رێگاى تونێلەکە بدەن.
