سێنیان ئەندامی یەك خێزانن
لە سەر رێگەی دەریاچەی حەمرین چوار كەس گیانیان لەدەستدا
+964
راژان باجەڵان_خانەقین
رۆژ نییە رووداوی دڵتەزێنی هاتووچۆ هەمووان دڵگران نەكات و ئەمجارە بە هۆی خێرایی و لادان بەرەو سایدی بەرامبەر دوو ئۆتۆمبێل لە سەر رێگەی دەریاچەی حەمرین پێكدادەدەن و رووداوەكە قوربانی لێدەكەوێتەوە.
فارس عەزاوی بەرێوەبەری راگەیاندنی تەندروستی دیالە بە 964ـى وت، “لە رووداوەکە چوار کەس گیانیان لە دەستداوە و سێ کەس بریندارن و دوو منداڵ و باوکێکی سەر به یەک خێزان لەنێو ئەو كەسانەن كە گیانیان لە دەستداوە و دایكەكەش باری تەندروستی ناجێگیرە و لە ئۆتۆمبێلەکەی تريش کەسێک گیانی لەدەستداوە و دوو کەسیش بریندارن و گواستراونەتەوە بۆ نەخۆشخانەی جەلەولا.
بەپێی ئامارەکانی هاتووچۆ لە 24 کاتژمێری رابردوودا زیاد لە 10 رووداوی هاتووچۆ لە دیالە تۆمارکراوە کە ئەمەیان سەختترینیانە.
پێداچوونەوە: محەمەد فاتیح