پلەی گەرما دادەبەزێت و کەشێکی فێنک روو لە کوردستان دەکات

شۆڕش قادری

بەهۆی ئەو شەپۆلە خۆڵبارینەی رووی لە ناوەڕاستی عێراق کردووە، تۆز و خۆڵێکی کەم لە ئاسمانی بەشێک لە ناوچەکانی کوردستان دەبینرێت، بەڵام سبەی پلەی گەرما بەشێوەیەکی بەرچاو دادەبەزێ و کەمێک فێنک دەبینەوە.

بەپێی پێشبینییەکانی کەشناسی، ئەمڕۆ چوارشەممە 28.5.2025 ئاسمان ساماڵ و پەڵە هەور دەبێت و لەگەڵ زیادبوونی خێرایی با، ئەگەری بەرزبوونەوەی تۆز و خۆڵ لە هەندێك ناوچەی کوردستان لەئارادایە، بەتایبەت لەکاتەکانی ئێوارەدا.

بۆ سبەی پێنجشەممەش،  ئاسمان ساماڵ و پەڵە هەور دەبێت، تۆزێکی کەم لە هەندێک ناوچە هەر دەبینرێت، بەڵام کەشێکی فێنک روو لە کوردستان دەکات و پلەی گەرما چوار بۆ شەش پلەی سیلیزی نزم دەبێتەوە.

بەرزترین پلەی گەرمای پێشبینیکراو بەپلەی سیلیزی؛

هەولێر: 40 پلەی سیلیزی

سلێمانی: 37 پلەی سیلیزی

دهۆک :39 پلەی سیلیزی

کەرکوک: 43 پلەی سیلیزی

زاخۆ: 40 پلەی سیلیزی

هەڵەبجە: 37 پلەی سیلیزی

سۆران: 37 پلەی سیلیزی

حاجی ئۆمەران: 26 پلەی سیلیزی

گەرمیان: 44 پلەی سیلیزی