بەتۆمەتی سووتاندنی هەنگەکانی سەیدسادق کەسێک دەستگیر کرا

964+

ژووری هەواڵ

کەسێک لەسەر سوتاندنی پرۆژەیەکی هەنگەوانی و نزیکەی 60 دۆنم زەوی لە سەیدسادق دەستگیر کرا.

80 سندوقی هەنگ و 20 دۆنم گەنم سووتان

ئەمڕۆ دووشەممە 19.5.2025 ئاگرێک لە گوندی وەڵەسمت کەوتەوە و بەهۆیەوە نزیکەی 80 سندوقی هەنگی هاوڵاتییەک سوتان، ئاگرەکە گەیشتووە بە 60 دۆنم زەوی جوتیارانی سنوورەکە و ئەویشی کردووە بە خۆڵەمێش.

کەمێک پێش ئێستا بەڕێوەبەرایەتی پۆلیسی دارستان و ژینگەی سلێمانی لە راگەیەنراوێکدا بڵاویکردەوە، بەپێی دەرئەنجامە سەرەتاییەکان نزیکەی 60 دۆنم لەزەوی جوتیاران لەگەڵ پرۆژەیەکی هەنگەوانی سووتاوە.

ئاماژەی بەوەشکردوووە، دوای رووداوەکە دەستبەجێ لێکۆڵینەوە و بەدواداچوونیان دەستپێکردووە و توانراوە کەسێک بە تۆمەتی کەوتنەوەی ئاگرەکە دەستگیر بکرێت.

پۆلیسی دارستان و ژینگەی سلێمانی دەشڵێت، پەڕاوی لێکۆڵینەوە بۆ رووداوەکە کراوەتەوە و بۆ وەرگرتنی رێکاری یاسایی رادەستی دادوەر دەکرێت.

هەنگەوانانی باڵەکایەتی زیانی زۆریان پێگەیشت