لەگەڵ یەکەمین کاروانی حاجیانی گەرمیان
گەنجترین حاجی بەرەو ماڵی خوا بەڕێکەوت
964+
میلاد جەلال – گەرمیان
سەر لە بەیانی ئەمڕۆ یەکەمین کاروانی حاجیانی گەرمیان بەرەو وڵاتی سعودیە بەڕێکەوتن و گەنجترین حاجی کوردستانیش گەشتی حەجی خۆی بۆ ماڵی خوا دەستپێکرد.
محەمەد والی، لەدایکبووی ساڵی 2001ە و گەنجترین حاجی گەرمیانە، قسەی بۆ 964 کرد و وتی، “دڵم خۆشە وەک گەنجترین حاجی دەڕۆمە ماڵی خوا، ھەستێکی تایبەتم ھەیە.
وتیشی، نزا بۆ هەموو موسڵمانان و ئەو کەسانە دەکەم کە زوڵمیان لێ دەکرێت.
سەرەڕای ئەوەش ئەسعەد محەمەد کە پیاوێکی بەتەمەنە، ناوی گەڕاوەتەوە بۆ ئەنجامدانی حەج، بەڵام بەھۆی بڕیارێکەوە ساڵی داھاتوو دەتوانێت بڕوات، بە بێتاقەتی دانیشتووە و دەگری کە نەیتوانیوە بڕواتە حەج دەڵێت،”تازە من ھیچم ناوێت لە دنیا ئاواتم ئەوەیە بڕۆم ماڵەکەی خوا ببینم”.
پێداچوونەوە: ژێوار خدر
