یەکەم تاکسی نوێ لە هەولێر تۆمار کرا

عەبدولعەزیز خالند

دوای زیاتر لە 11 ساڵ لە راگرتنی تۆماركردن، ئەمڕۆ یەکەم تاکسی نوێ لە هەولێر تۆمارکرا.

زیرەک راوچی، خاوەنی تاکسییە نوێیەکەیە و بە 964ی، وت، “سەرەتا مامەڵەکان کەمێک قورس بوون، بەڵام ئێستا زۆرباشیان کردووە، دەبێت فەحس و هەزە بکەیت و سەیارەکەش بکەیتەسەر ناوت، ئینجا ئاڵوگۆڕەکە بکەیت”.

هێمن حەمەدئەمین، وتەبێژی پۆلیسی هاتوچۆ بە 964ی، وت، بڕیارەکە لە سوودی سەرجەم شۆفێرە تاکسییەکانە و تابلۆی ئۆتۆمبێلە نوێیەکە بە خۆڕایی وەردەگریت، بڕیارەکەش بە زۆرەملێ نییە و ئارەزوومەندانەیە.

وتیشی، ئەو ئۆتۆمبێلانەی لە فەحس و هەزە دەرناچن، دەبێت لە ناوببرێن.

لە كۆتایی مانگی رابردوو وەزارەتی ناوخۆ بڕیاری دا تاكسی نوێ تۆمار بكرێت، كە ماوەی 11 ساڵە پرۆسەكە وەستاوە، بڕیارەكە ئارەزوومەندانەیە و چەند ئاسانكارییەكیش بۆ خاوەن تاكسییەكان كراوە، ئەوانەی بیانەوێت تاكسی نوێ تۆمار بكەن.

پێداچوونەوە: ئەرسەلان عەبدوڵا