بەشێک لە خانووەکانی گوندی کۆری. فۆتۆ: حکومەتی هەرێم
روونكردنەوەیان داوە
شارەوانیی هەولێر: راگرتنی كارەكانی گوندی كۆری لە پێناو هاوڵاتیان بووە
964+
ئەرسەلان عەبدوڵا
سەرۆكایەتیی شارەوانیی هەولێر سەبارەت بە شێوازی جێبەجێكردنی چەند پڕۆژەیەك لە گوندی كۆری روونی دەكاتەوە، راگرتنی كارەكان لە پێناو هاوڵاتیانی گوندەكە بووە و بۆ ئەوەی كێشە و گرفت دروست نەبێت.
شارەوانیی هەولێر روونكردنەوەكەی دوێنێ ئێوارە بڵاوكردووەتەوە و دووپاتیشی دەكەنەوە، “له نزیكترین كاتدا كۆبوونهوهی پێویستی لهبارهوه دهكرێت و میكانیزمی نوێ و زانستی لهسهر شێوازی جێبهجێكردنهكهی دهگرینهبهر”.
دەقی روونكردنهوهكەی شارەوانیی هەولێر بەم جۆرەیە:
سهبارهت به بڵاوبوونهوهی گرتهیهكی ڤیدیۆیی له تۆڕه كۆمهڵایهتییهكان كه تێیدا هاووڵاتییهكی خۆشهویستی گوندی كۆری ئاماژه بهوه دهكات گوایه ئێمه له سهرۆكایهتیی شارهوانیی ههولێر ڕێگری له دروستكردنی سیاجێك و پڕۆژه خزمهتگوزارییهكانی شوێنهكه دهكهین، وهك سهرۆكایهتیی شارهوانیی ههولێر ئهو قسه و زانیارییه نادروسته ڕهتدهكهینهوه، هاوكات دڵنیاییش دهدهین كه له ئهنجومهنی شارهوانیی ههولێر بڕیار لهسهر جێبهجێكردنی پرۆژهكه دراوه، بهڵام لهسهر شێوازی جێبهجێكردنهكهی، بهشێك له هاووڵاتییانی سنوورهكه گلهیی و تێبینیان ههبووه.
بۆیه لهبهر بهرژهوهندیی گوندی کۆری و قهرهبووانی گوندی كۆری و رێگری له ههر كێشهیهكی كۆمهڵایهتی، لهسهر بڕیاری پارێزگای ههولێر و قائیمقامیهتی ههولێر و بهڕێوهبهرایهتیی گشتیی وهبهرهێنان و سهرۆكایهتیی شارهوانیی ههولیر كارهكه بۆ ماوهیهك ڕاگیرا و له نزیكترین كاتدا بهشێوهیهكی ئهندازهیی و زانستی ڕێك دهخرێتهوه و جێبهجێ دهكرێت.
ئێمه دانیشتووانی هەردوولا لە قهرهبووی كۆری و گوندی کۆری دڵنیا دهكهینهوه، ئهو بابهته بڕیاری ئهنجوومهنی شارهوانیی ههولێری ههیه، بهڵام بۆ ڕێگریكردن له دروستبوونی ههر جۆره كێشه و گرفتێكی كۆمهڵایهتی، به بڕیاری پارێزگای ههولێر و قائیمقامیهتی ههولێر و بهڕێوهبهرایهتیی گشتیی وهبهرهێنان و سهرۆكایهتیی شارهوانیی ههولێر ڕاگیراوه، له نزیكترین كاتدا كۆبوونهوهی پێویستی لهبارهوه دهكرێت و میكانیزمی نوێ و زانستی لهسهر شێوازی جێبهجێكردنهكهی دهگرینهبهر و دووباره جهخت لهسهر چارهسهركردنی بابهته و جێبهجێكردنی پڕۆژهكه له بهرژهوهندیی گوندی کۆری و قهرهبووانی گوندی کۆری دهكهینهوه بهشێوهیهك كه ببێته جێگهی ڕهزامهندی و دڵخۆشبوونی هەدوولا .
