بڕێکى زۆرى مادەى هۆشبەر
بە 100 هەزار حەبەوە
بازرگانێکى گەورەى مادەى هۆشبەر دەستگیر کرا
964+
وریا فەتاح
لە سنوورى پارێزگاى ئەنبار، بازرگانێکى مادەى هۆشبەر بە بڕێکى زۆر مادەى هۆشبەرەوە دەستگیرکرا.
ئاژانسى دەنگوباسى عێراق بڵاویکردەوە، لەلایەن دەستەیەکى حەشدى شەعبییەوە بە هەماهەنگى لەگەڵ بەڕێوەبەرایەتیى ئاسایش و فەرماندەى ئۆپەراسیۆنەکانى ئەنبار، توانیان لە ئۆپەراسیۆنێکى تایبەتدا بازرگانێکى مادەى هۆشبەر لە قائیم دەستگیر بکەن.
وەک باسکراوە، لەگەڵ دەستگیرکردنیدا بڕى 100 هەزار حەب و بڕێکى زۆر حەشیش دەستى بەسەرداگیراوە.
ئاماژە بەوەشکراوە، تۆمەتبار لەگەڵ ئەو مادانەى دەستى بەسەرداگیراوە، رادەستى لایەنە پەیوەندیدارەکان کراون و رێکارى یاساییان بەرامبەر دەگیرێتەبەر.