حکومەتی تورکیا لەسەر چەکدانانی پەکەکە کۆدەبێتەوە

964+

ژووری هەواڵ

بڕیارە ئەمڕۆ کابینەی حکومەتی تورکیا کۆببێتەوە و گفتوگۆ دەکات لەسەر پرسی چەکدانانی پەکەکە و دوایین هەنگاوەکانی ئەو پرۆسەیەی چەند مانگێکە دەستیپێکردووە.

بەگوێرەی میدیای تورکیا، لە کۆبوونەوەکەدا باس لە پرسی کۆنگرەی چاوەڕوانکراوی پەکەکە و رێکار و هەنگاوەکانی دوای کۆنگرەکە دەکرێت، هاوکات باس لە کۆبوونەوەکەی نێوان شاندی پارتی دەم و یڵماز تونچ، وەزیری داد دەکرێت کە هەفتەی رابردوو ئەنجامدرا.

رۆی 27ی شوباتی 2025 پەیامی عەبدوڵا ئۆجەلان رێبەری زیندانیكراوی پارتی كرێكارانی كوردستان لە لایەن شاندی دەم پارتی بۆ ئیمرالی خوێندرایەوە و تێیدا ئۆجەلان داوای لە پەكەكە كرد، كۆنگرە بكەن و خۆیان هەڵبوەشێننەوە و چەك دابنێن.

مەرجی پارتی کرێکارانی کوردستان بۆ دانانی چەک ئەوەیە، عەبدوڵا ئۆجەلان ئازاد بکرێت و خۆی سەرپەرشتی کۆنگرەی هەڵوەشاندنەوەکە بکات.

پەکەکە: دەبێت چەکەکان بێدەنگ بکرێن