تای خوێنبەربوون: هۆشیاری بەپەلە دوای تۆمارکردنی دوو حاڵەتی مردن لە کەرکوک

964+

جێگر مەحمود

لە ماوەى سێ رۆژدا دوو کەس بە تاى خوێنبەربوون لە کەرکوک گیانیان لەدەستداوە، ئەم ڤایرۆسە مەترسیدارە و پێویستى بە چەند رێکارێک هەیە بۆ خۆپاراستن.

تای خوێنبەربوون کە بە ئینگلیزى پێى دەوترێت، دێنگی، نەخۆشییەکی ڤایرۆسییە لە رێگەی مێشوولەی “ئایدیس” (کە زیاتر لە رۆژدا دەگەزێت) دەگوازرێتەوە، لەم سێ رۆژەدا دوو حاڵەتی مردن لە کەرکوک تۆمارکراون، بۆیە هۆشیاری و خۆپاراستن زۆر گرنگە

نیشانە باوەکان بەپێى رێکخراوى تەندروستى جیهانى:
تای بەرز و سەرئێشەی توندى پشتی چاو، ئازاری جومگە و ماسولکە، یان تای ئێسکشکێن.
بێهێزی، دڵتێکەڵهاتن، رشانەوە، پەڵەی پێست، خوێنبەربوونی سووک.
ئازاری زۆری سک و رشانەوەی بەردەوام.
خوێنبەربوون (پووک، لووت، پیسایی، رشانەوە).
هەناسەتەنگی، گێژبوون، بێهێزی زۆر.

چارەسەر:
هیچ چارەسەرێکى تایبەتی نییە
پشوودان و خواردنەوەی شلەمەنی زۆر بنچینەیین.
بۆ تا و ئازار: تەنیا پاراسیتامۆڵ بەکاربهێنن.
هەرگیز ئەسپرین یان ئایبوپڕۆفین (NSAIDs) بەکارمەهێنە (مەترسی خوێنەربوون زیاد دەکەن)
حاڵەتی توند پێویستی بە نەخۆشخانە هەیە

خۆپاراستن :
نەهێشتنی ئاوی وەستاو: رزگاربوون لە هەموو سەرچاوەیەکی کۆبوونەوەی ئاو .

پاراستنی خۆت: بەکارهێنانی دوورخەرەوەی مێشوولە، جلی درێژ، تۆڕی نووستن و پەنجەرە

کەی سەردانی پزیشک بکەیت؟
ئەگەر گومانی تووشبوونت هەبوو (بەتایبەت لە کەرکوک و دەوروبەری).
دەستبەجێ ئەگەر نیشانە ئاگادارکەرەوەکانی حاڵەتی توند دەرکەوتن.

ئەوەى پێویستە بیزانیت:
تاى خوێنبەربوون مەترسییەکی نزیکە، هۆشیاری بە نیشانەکان و خۆپاراستنی جدی (بە تایبەت کۆنتڕۆڵی مێشوولە) زۆر پێویستە.

پێداچوونەوە: وریا فەتاح

 ئەو دوو کەسەى توشى تاى خوێنبەربوون بوون قەسابن