کتێبێکی ئاینییە
کۆنترین کتێبی پێشانگای نێودەوڵەتی هەولێر تەمەنی 200 ساڵە
964+
ژێوار خدر
کۆنترین کتێبی پێشانگای نێودەوڵەتی هەولێر بۆ کتێب، کتێبێکی ئایینی مەسیحی، ئینجیل و تەوراتە و تەمەنی 200 ساڵە.
ئەیمەن عەبدولقادر کتێبفرۆش لە پێشانگای نێودەوڵەتی هەولێر بۆ کتێب بە 964ـی وت، “کتێبەکە هی خێزانێکی خانەدانی بەریتانی بووە کە ماوەی 200 ساڵە پاراستوویانە و توانیمان لێیان وەربگرین”.
ئاماژەی بەوەشکرد، ئەوان بەدوای کتێب و کەلوپەلی کۆن و دانسقەدا دەگەڕێن و توانیویانە ئەو خێزانە بدۆزنەوە و کتێبەکەیان لێ وەربگرن.
سەبارەت بە نرخەکەشی، ئەیمەن عەبدولقادر وتی، نرخی بۆ دیاری نەکراوە، چونکە بۆ فرۆشتن نییە و تەنها بۆ نمایشکردنی لە پێشانگاکە دایانناوە.
17ـیەمین پێشانگای نێودەوڵەتی هەولێر بۆ کتێب لە 9ـی ئەم مانگەوە لە پارکی سامی عەبدولڕەحمان کراوەتەوە و تا 19ـی مانگ بەردەوام دەبێت، 964ـیش هاوبەشی میدیایی پێشانگاکەیە.
پێداچوونەوە: شۆڕش قادری
یەک ملیۆن کتێب لە پێشانگەی هەولێر نمایش کراوە و وادەی هەڵبژاردنیش دیاریی کرا
