لە کەرکوک
ژمارەیەک کارگوزرا بەهۆی وەرگرتنی پارە لە ماڵان نێردرانەوە ماڵەوە
964+
کاروان ساڵحی – کەرکوک
ژمارەیەک کارگوزرای پاکردنەوەی خۆڵ و خاشاک بەهۆی وەرگرتنی پارە لە ماڵان لە بەرامبەر فڕێدانی خۆڵ و خاشاکەکەیان لە کارەکەیان دوورخرانەوە.
دکتۆر ئەحمەد کەرکوکی سەرۆکی لیژنەی خزمەتگوزاریەکان لە ئەنجومەنی پارێزگای کەرکوک بە 964ـی وت، رۆژانە چەندین سکاڵای هاوڵاتیانمان پێ گەیشتووە کە ژمارەیک کارگوزاری کۆمپانیایەکی هەڵگرتنەوەی خۆڵ و خاشاکی ماڵان و پاکردنەوەی شار داوای پارە دەکەن لەبەرامبەر هەڵگرتنەەی خۆڵ وخاشاکەکەیان.
وتیشی، ، ئەو کارگوزارانە بێت و پارەیان پێ نەدرێت جێی دەهێڵن یاخود تەنکەی خۆڵەکە دەشکێنن، هەر ئۆتۆمبێلێک بڕی پێنج هەزار دیناریان وەرگرتووە لە ماڵان بۆیە دوای بینینی ڤیدیۆکان لە گەڵ کۆمپانیاکە قسەم کرد کە ئەوان ئامێر و ئۆتۆمبێلی زۆر باشیان هەیە، ئەوانیش پێشتر کارگوزارەکانیان ئاگادار کردووەتەوە کە نابێت پارە وەربگیرێت، هەر بۆیە زیاتر لە چوار تیم لەکارەکانیان دوورخرانەوە و رەوانەی ماڵەوە کران.
بە پێی زانیاریەکان و بەدواداچونی 964 ژمارەی ئەو کەسانەی دوورخراونەتەوە زیاتر لە 15کارگوزار دەبێت.
پێداچوونەوە: توانا نەقی
