کێشەی کارەبای ناحیەی شۆڕش چارەسەر کرا

شۆڕش قادری

کێشەی کارەبای نیشتمانی ناحیەی شۆڕش چارەسەر کرا و ماڵەکانی هاوڵاتیانی ئەو دەڤەرە رووناک کرانەوە.

بەپێی راگەیەنراوێکی بەڕێوبەرایەتی کارەبای سلێمانی، “دوای ئەوەی شەوی رابردوو كێشە بۆ هێڵی 33 كەی ڤی چەمچەماڵ – شۆڕش دروستبوو، راستەوخۆ درەنگانی شەو چەند تیمێكی هۆبەی هێڵەكان و هۆبەی كێبڵات و گۆڕەرەر، بە هاوكاری هۆبەی ئامیرەكانی بەڕێوەبەرایەتی گواستنەوەی كارەبای سلێمانی دەستیان كردووە بەكاركردن بۆ دۆزینەوەی كێشەكە”.

ئاماژە بەوەشکراوە، بەرەبەیانی ئەمڕۆ دووشەممە 24.3.2025 كێشەكە چارەسەركراوە و كارەبا بۆ شارۆچكەی شۆڕش گەڕێندراوەتەوە.

بەڕێوبەرایەتی کارەبای سلێمانی راشیگەیاندووە، تیمەکانیان لە هەر سێ رۆژی پشووی جەژنی نەورۆزدا بەردەوام لە كاردابوون.