لە رانیە دوو مریشکفرۆش  و دوکانێکى گەس داخران

964+

وریا فەتاح

لیژنە هاوبەشەکانى قایمقامییەتى رانیە، بەهۆى پابەندنەبوون بە رێنماییە تەندروستییەکانەوە، دوو دوکانى مریشکفرۆشى و دوکانێ گەسى داخست.

قایمقامییەتى رانیە بڵاوى کردەوە، لە درێژەی چاودێریکردنی بەردەوامی لێژنە هـاوبەشەکانیان لە رۆژانی مانگی رەمەزاندا، ئەمڕۆ هەریەک لە مریشکفرۆشى رانیە کە دەکەوێتە بەردەم نەخۆشخانەى گشتیى و مریشکفرۆشى جەبار کە لە نزیک گەراجى بڵێسەیە، دایانخستن.

وەک باسى دەکەن، هۆکارى داخستنیان پابەندنەبوون بووە بە رێنماییەکان و پاکوخاوێنى و زیادەڕۆیى کردن، لەگەڵیشیدا لە مریشکفرۆشى رانیە 35 کیلۆگرام گۆشتى نەشیاوى ناو بەڕاد دەستى بەسەرداگیراوە.

لە چالاکییەکى دیکەى لیژنە هاوبەشەکانى قایمقامییەتى رانیەدا، بەهۆى بوونى گۆشتى بەستووى بەسەرچوو و بوونى هەویرى ناتەندروستى فەلافا و کۆگاکردنى چەورى ئاژەڵى ناتەندروست و نەبوونى کۆگا، کەسى سیڤەریان داخستووە.

داواش دەکات، بۆ گەیاندنی سکاڵاو زانیاری لەکاتی بینینی سەرپێچی پەیوەندی بکەن بە ژمارە مۆبایلی 07708593000