وێنەی ئەو ماستەی دەستیبەسەردا گیرا
رەمەزانە و دەویسترا لە بازاڕدا ساغ بکرێتەوە
زیاتر لە 300 کیلۆ ماستی ماوەبەسەرچوو لە سلێمانی دەستی بەسەرداگیرا
964+
شۆڕش قادری
زیاتر لە 300 کیلۆ ماستی ماوەبەسەرچوو لە سلێمانی دەستی بەسەرداگیرا کە خاوەنەکەی دەیویست بەم رەمەزانە لە بازاڕدا ساغی بکاتەوە و دەرخواردی خەڵکی بدات.
بەپێی راگەیەندراوێکی قایمقامیەتی سلێمانی، لیژنەکانیان دەستیان بەسەر 18 سەتڵی گەورە ماستی ماوەبەسەرچوودا گرتووە کە 324 کیلۆ بووە و خاوەنەکەی بەنیازبووە لە مانگی رەمەزاندا لە بازاڕدا ساغی بکاتەوە و بە هاوڵاتیانی بفرۆشێت.
ئاماژە بەوەش کراوە، ماستەکە لە دەرەوەی شاری سلێمانییەوە هێنراوە و لە مانگی 2ـی 2025ـەوە بەسەرچووە، بەفەرمانی قایمقامی سلێمانی تەواوی ماستەکە لەناودەبرێت و خاوەنەکەشی رووبەڕووی رێکاری یاسایی دەکرێتەوە.
هەر لەسەرەتای مانگی رەمەزانەوە تا ئێستا، لیژنەکانی قایمقامیەتی سلێمانی، چەندین جار دەستیان بەسەر گۆشت و خۆراکی ماوەبەسەرچوودا گرتووە و سەرپێچێکاران رووبەڕووی یاسا کراونەتەوە.
لیژنەکانی قایمقایەتی سلێمانی ئەمڕۆ سەردانی 212 شوێنیان کردووە
