پزیشکێک لە هەولێر ماڵە خەزورانی دەداتە بەر دەسڕێژی گوللە

ژووری هەواڵ

پزیشکێک لە گەڕەکی فەرمانبەرانی هەولێر، ماڵە خەزوورانی دەداتە بەر دەسڕێژی گوللە، ئەوەش بووە بەهۆکاری ئەوەی، هاوژینی، خوشکی هاوژینی، خەزوور و خەسووی بکوژێت.

ئەو کەسە پزیشکی پسپۆڕی نەشتەرگەری گشتی بووە و بەڕێوەبەری نەخۆشخانەیەکی تایبەت بووە لە هەولێر.

بەپێی زانیارییەکانی 964 کە لە چەند سەرچاوەیەکەوە دەستی کەوتووە، ئەو پزیشکە، هاوژینەکەشی پیشەی پزیشک بووە و سێ کەسی تریشی لەماڵی خەزووری کوشتووە، کە خوشکی هاوژینەکەی و دایکی و باوکی بوون، هەروەها باس لەوە دەکرێ برینداریش هەن.

لە بارەی هۆکاری رووداوەکە، تائێستا هێزە ئەمنییەکان هیچ زانیارییەکیان نەخستووەتەڕوو.