لە ناحیەیەکی کەرکوک
پیاوێکی سێ ژنە سەقفی خانووەکەی کوشتی
964+
کاروان ساڵحی – کەرکوک
ئێوارەی ئەمڕۆ چوارشەممە 12.3.2025 لە ناحیەی عەباسی کەرکوک، سەقفی خانووییەک کەوتووە بەسەر هاوڵاتییەک و دەست بەجێ گیانی لە دەستدا.
دوای ئەوەی رۆژووەکەی شکاند و نوێژی مەغریبی کردووە، سەقفی خانووەکەی رووخاوە، بەپێی زانیارییەکانی 964، ئەو پیاوە سێ ژنی هەبووە.
مامۆستا سەباح جاسم، دراوسێ ماڵی ئەو هاوڵاتییە بە 964ـی وت، “حاجی یونس نایف” پیشەی کرێکارە و خاوەن سێ ژنە و زیاتر لە 10 منداڵی هەیە، هەر ژنێکی لە خانویەکدا دەژین، ئەمڕۆ لە ماڵی ژنی سێیەمی بووە کە دیوارمان یەکە و خانوەکەیان گڵە.
سەباح وتیشی، حاجی یونس دوای ئەوەی رۆژووەکەی شکاندووە، لەو ساتەی نوێژی مەغریی دەکرد بەهۆی خراپی خانووەکەیەوە سەقفی دوو ژووری خانوەکەی داڕماوە بەسەریدا و دەست بەجێ گیانی لە دەستداوە.
بڕیارە سبەینی دوای نوێژی بەیانی لە گۆڕستانی ناحیەکە بە خاک بسپێردرێت.
پێداچوونەوە: ئەحمەد مستەفا
لە شۆراوى کەرکوک ئاو چووەتە چەند ماڵێکەوە
