بە مامۆستاکانی مزگەوت بوترێ داوای بەخشین لە کرێ خانوو بکەن

964+

ئەحمەد مستەفا

ئەو پیاوەی سەرقاڵی دۆخ و گوزەرانی کرێنشینانە، بە نوسراو داوای لە یەکێتی زانایان و ئەوقافی سلێمانی کردووە، هەوڵبدەن مامۆستا ئاینییەکان هانبدەن، لە وتارەکانیان داوا لە خاوەن خانووەکان بکەن، لە کرێی خانووی کرێنشینەکان خۆشبن.

مانگی رەمەزانە و ئەو داواکارییە، هەر لەو روانگەوە کراوە، تا کرێنشینان کرێی مانگی سێ نەدەن.

بەرهەم سەردار، سەرۆکی کۆمەڵەی کرێنشینانە ئەو بە 964ی وت، داواکارییەکە بە لەبەرچاوگرتنی بارودۆخی نائاسایی سەرجەم چین و توێژەکانە، بە تایبەت کرێ نشینان، تا ئەو مانگە بکرێ بە هۆکاری لێخۆشبوون لە کرێکانیان.

جگە لە مزگەوت، داواکراوە لە رێگەی کەناڵەکانی راگەیاندنەوە مامۆستایانی ئاینی ئەو رۆڵە بگێڕن و خاوەن موڵک و خانووەکان هانبدەن، تا زۆرێک لە کرێ نشینان سوودمەند بن و بۆ مانگێک ئەو کرێێ دەکەوێتە ئەستۆیان رادەستی نەکەن.

نوسراوی کۆمەڵەی کرێ نشینان؛