شەڕیشی تێکەوت
یانەی هەولێر لە یاریگەی خۆی دووچاری شکست بوو
964+
عەبدولعەزیز خالند
یانەی هەولێر بەرامبەر یانەی مینا بە ئەنجامی گۆڵێکی بێ بەرامبەر دۆڕا و هاندەرانی یانەکەش هاتوونەتە بەردەم بارەگای یانەکە، ئەوان گلەییان لە ئیدارەی یانەکە هەیە و داوای گۆڕینی ئیدارە و راهێنەریش دەکەن.
لە خولی ئەستێرەكانی عێراق لە تۆپی پێ و لە گەڕی 23، یانەی هەولێر لە یاریگەی خۆی بە 0-1 گۆڵ بە یانەی مینا دۆڕا.
یارییەكە لە یاریگەی فرانسۆ هەریری لە هەولێر كرا و یانەی هەولێر نەیتوانی ئاستێكی باش پێشكەش بكات و یارییەكەی دۆڕاند.
لە كاتی بەڕێوەچوونی یارییەكەش، لە شوێنی دانیشتنی ڤی ڤی ئای پی، كە تایبەتە بە بەرپرسان و میوانە تایبەتەكان، شەڕێك لە نێوان ئەندامێكی دەستەی كارگێڕیی یانەی هەولێر و برای یەكێك لە یاریزانەكان روویدا، كە رووداوێكی جێی سەرسوڕمان و نەشیاو بوو.
لە دوای یارییەكەش بەشێك لە هاندەرانی یانەی هەولێر دەرگای ئیدارەی یانەكەیان گرت و ناڕەزاییان دەربڕی، داوای باشكردنی ئەنجامەكانی تیپەكە و چارەسەری كێشە ئیدارییەكانی یانەكەیان دەكرد، هەندێكیشیان داوای گۆڕینی ئەندامانی كارگێڕیی یانەكە و تەنانەت راهێنەر سەمیر بابۆشیان دەكرد.
پێداچوونەوە: ئەرسەلان عەبدوڵا
