دەستبەسەرداگرتنى کەلوپەلى راوچیان...
لە سنوورى سەیدسادق
سێ راوچى دەستگیرکران
964+
وریا فەتاح
لە سنوورى سەیدسادق سێ راوچى دەستگیرکران، بەوەش لە سەرەتاى ساڵى نوێوە 27 راوچى لە سنوورى سلێمانى دەستگیرکراون.
بەڕێوەبەرایەتى پۆلیسى دارستان و ژینگەى سلێمانى، لە سنوورى سەیدسادق دەستگیرکردنى سێ راوچى لە گوندى کەڵوڕان راگەیاند.
وەک باسى دەکات، ئەوان سەرقاڵى راو بوون و چەکێکى جۆرى بادى و ئۆتۆمبێلێک و 10 باڵندەى راوکراویشیان پێوە گیراوە.
بەڕێوەبەرایەتى پۆلیسى دارستان و ژینگەى سلێمانى لە سەرەتای ساڵى 2025ـەوە تا ئەمڕۆ، دەستگیرکردنى 27 راوچى بڵاو کردووەتەوە.
