هاتوچۆى هه‌ڵه‌بجه سزاى بۆ دیاریكردوون
شۆفێری ئامێره كشتوكاڵی و بیناسازییه‌كان ئاگادار ده‌كرێنه‌وه خۆیان توندوتۆڵ بكه‌ن
964+
فه‌رهاد حه‌سه‌ن
له‌مه‌ودوا ئه‌و شۆفێرانه‌ى ئامێره كشتوكاڵیی و بیناسازییه‌كان به‌كارده‌هێنن و دێنه سه‌ر شه‌قامه‌كان پێویسته توندوتۆڵ بن، ئه‌گه‌ر نا مه‌فره‌زه‌كانى هاتوچۆى هه‌ڵه‌بجه ده‌ستیان به‌سه‌رداده‌گرن سزایان ده‌دات.
ئامێره كشتوكاڵییه‌كان، تراکتۆر، عەرەبانەی دواوەی و دەراسە و ئامێره بیناسازییه‌كانیش میکسەر، شۆفڵ، عادیلە و هاوشێوەکانیان ده‌گرێته‌وه.
بەڕێوەبەرایەتیی هاتوچۆی پارێزگای هەڵەبجە ئاگاداری سەرجەم شۆفێرانى ئه‌م ئامێرانه‌ى كردووه‌ته‌وه، لە کاتێک دێنە سەر شەقامەکان پێویستە مەرجەکانی توندوتۆڵیان هەبێت له‌وانه‌ش گڵۆپ، لایتی پێشەوە و لایتی دواوە، پێویستە عەرەبانەكانیان فسفۆڕ یان ئاماژەیەکی رووناکی پێوە بێت.
هاتوچۆ بۆیه ئه‌م رێنماییانه‌ى بۆ داناون بۆئه‌وه‌ى خۆیان و سەرجەم بەکارهێنەرانی شەقام لە مەترسی کارەساتە دڵتەزێنەکان بە دووربن و توشی پێکدادان نەبن بەتایبەت لەکاتی تاریکبوونی شەواندا.
ئاشكراشی كردووه، بەپێچەوانەوە هه‌ر شۆفێرێك پابه‌ند نه‌بێت، دەست بەسەر ئامێرەکانیاندا دەگیرێت کە لە 10 رۆژ کەمتر نەبێت.
ترافیكلایتى شه‌قامى ده‌روازه‌ى سه‌ره‌كى هه‌ڵه‌بجه له‌كاركه‌وتووه
ئاگادارییەک بۆ شۆفێرانى هەڵەبجە
