سەرۆكی هەرێمی كوردستان نێچیرڤان بارزانی
چاوپێكەوتن لەگەڵ ئاژانسێكی ئێرانی
سەرۆكی هەرێم: رێگەنادرێت لە هەرێمەوە هەڕەشە لە ئاسایشی ئێران بكرێت
964+
ئەرسەلان عەبدوڵا
سەرۆكی هەرێمی كوردستان نێچیرڤان بارزانی لە چاوپێكەوتنی لەگەڵ ئاژانسێكی هەواڵی ئێرانی دەڵێت، رێگەنادرێت لە هەرێمی كوردستانەوە هەڕەشە لە ئاسایشی ئێران بكرێت، ئاشكراشی دەكات 60%ی بازرگانیی عێراق و ئێران لە هەرێمی كوردستانەوە ئەنجام دەدرێت.
نێچیرڤان بارزانی چاوپێكەوتنێكی لەگەڵ ئاژانسی ئیسنای ئێرانی كردووە و ئاژانسەكە چاوپێكەوتنەكەی ئەمڕۆ شەممە 15.2.2025 بە فارسی، ئینگلیزی و عەرەبی بڵاوكردووەتەوە، تێیدا سەرۆكی هەرێمی كوردستان لە بەشێكی چاوپێكەوتنەكەدا دەڵێت، رێكارە ئەمنييه‌كان و چاودێريیه سنوورییەکان بەهێز کراون، بۆ رێگریکردن لە هەر چالاکییەک، کە کاریگەری لەسەر سەقامگیريی سنوورەکانی نێوان هەرێمی كوردستان و ئێران هەبێت.
سەرۆكی هەرێم هەروەها دەڵێت، “لايه‌نه په‌يوه‌نديداره‌كانى عێراق و ئێران، خه‌ريكن كار له‌سه‌ر بەدواداچوونی جێبەجێکردنی رێککەوتنەکان لە بوارە جیاکاندا ده‌كه‌ن”.
“رێژه‌ى ئاڵوگۆرى بازرگانيى نێوان عێراق و ئێران ساڵانه زياتر له 10 مليار دۆلاره، 60%ى له رێگه‌ى هه‌رێمى كوردستانه‌وه ئه‌نجام ده‌ده‌رێت، ده‌مانه‌وێت له چوارچێوه‌ى ياسا و رێسا عێراقييه‌كاندا ئه‌و رێژه‌يه هێشتا به‌رزتر بكه‌ينه‌وه، بۆ ئه‌م مه‌به‌سته ئاسانکاری لە هه‌موو ئه‌و رێکارانه‌دا ده‌كه‌ين، كه پێويستن”، سەرۆكی هەرێمی كوردستان وای وتووە.
ئاژانسەكە ئاماژەی بەوە نەكردووە چاوپێكەوتنەكە لە كوێ و كەی كراوە، بەڵام سەرۆكی هەرێمی كوردستان ئێستا لە ئەڵمانیا لە كۆنفرانسی ئاسایشی میونشن بەشدارە.
نێچیرڤان بارزانی
سەرۆکایەتیی هەرێم: سوپاسی کردووە
تڕەمپ دەستنووسی بۆ نێچیرڤان بارزانی ناردووە؛ پێکەوە کاردەکەین
كێ دەڵێ كراوەتەوە؟
"بارەگای حزبی بەعس لە هەولێر نەكراوەتەوە"
"لاپەڕەیەکی گرنگ و قۆناغێکی نوێیە"
نێچیرڤان بارزانی: پێشکەوتنی باش لە رێککەوتنی ئەمنی بەدی دەکرێت
له کۆنفڕانسی ئاسایشی میونشن