"بە جەڵتەی دڵ"
پێشمەرگەیەک لەرێگەی چوونی بۆ عومرە گیانی لەدەست دا
+964
سیروان خورشید – دوزخورماتوو
هاوڵاتیەکی خەڵکی خورماتوو کە لەئێستادا دانیشتووی شاری کەرکوکە، پیشەی پێشمەرگەیە، ئەمڕۆ لە رێگه‌ی چوونی بۆ سعودیه به‌مه‌به‌ستی به‌جێهێنانی عومرە کەمێک پێش ئێستا، لەنێوان سنوری عێراق و سعودیە، بە جەڵتە گیانی له‌ده‌ست دا.
تەڵعەت ئیبراهیم، خاوەنی کۆپانیای حەج و عومرە بە964ـی وت، ئێوارەی ئەمڕۆ لەکاتی بەڕێکەوتمان و گەیشتنمان بەنوچەی نوخەیبی سنوری عێراق سعودیا، باری تەندروستی یەکێک لە عومرەکارانمان تێکچوو، هەرچەندە فریاگوزاری سەرەتاییمان بۆ ئەنجامدا، بەڵام ھەوڵەکانمان بێسود بوو و گیانی لەدەستدا.
وتیشی، دوای گەیشتنی تیمە تەندروستییەکان پشکنینیان بۆ تەرمەکەی ئەنجامداوە و دەرکەوتووە ھۆکاری گیان لەدەستدانی جەڵتەی دڵ بووە.
ھاوڵاتیەکە ناوی عەلی رەزایە و خێزاندارە، پیشەی پێشمەرگەیە و تەمەنی 37 ساڵە.
پێداچوونەوەی: پەری ساڵح
