بەفر و بارانبارین دەستپێدەکاتەوە
لە سلێمانی و دهۆک شڵێوە دەبێت
بەفر و بارانبارین لە کوردستان دەستپێدەکاتەوە
964+
شۆڕش قادری
ئەمڕۆ کەشەکە ئاساییە و تا دەتوانن خۆتان بەر خۆر بدەن، چونکە سبەی بەفر و باران دەستپێدەکاتەوە و هاوڵاتیانی سلێمانی و دهۆکیش خۆتان بۆ شڵێوە حازر بکەن.
بەپێی پێشبینییەکانی کەشناسی، ئەمڕۆ چوارشەممە 12.2.2025، ئاسمان ساماڵ و پەڵەهەور دەبێت و پلەی گەرماش کەمێک بەرز دەبێتەوە بەراورد بە تۆمارکراوەکانی دوێنێ.
بۆ سبەی پێنجشەممەش، ئاسمان بەگشتى نیمچەهەور دەبێت، لە کاتەکانى دواى نیوەڕۆوە دەگۆڕێت بۆ هەورى تەواو، لە ئەنجامى هاتنی شەپۆلێکى بەفر و باران لەسەر ناوچەکەمان و بارانبارین بەشێوەى نمە بارانی پچڕ پچڕ دەستپێدەکات.
سبەی ئێوارە کاریگەرى ئەم شەپۆڵە زیاد دەکات و بارانى مام ناوەند دەبارێت، بەفر بارین لە ناوچە شاخاوی و سنووریەکان دەبارێت و لە سەنتەرى پارێزگاکانی سلێمانى و دهۆک ئەگەرى شڵێوە هەیە، واتە بەفر و باران ئاوێتەی یەکتر دەبن.
بەرزترین پلەکانی گەرمای پێشبینیکراو بە پلەی سیلیزی:
هەولێر: 16 پلەی سیلیزی
سلێمانی: 14 پلەی سیلیزی
دهۆک: 14 پلەی سیلیزی
کەرکوک: 18 پلەی سیلیزی
زاخۆ: 14 پلەی سیلیزی
هەڵەبجە: 14 پلەی سیلیزی
حاجی ئۆمەران: 2- پلەی سیلیزی
سۆران: 13 پلەی سیلیزی
گەرمیان: 21 پلەی سیلیزی
لە ناوچە شاخاوییەکان بەفر و باران دەستپێدەکاتەوە
شارەزایەکی کەشناسی: تا دووشەممە وشکە سەرماکە دەمێنێ
