بەهۆی بوومەلەرزەكەوە 20زیندانی لە سوریا هەڵهاتوون

+964
كوردستان ئەحمەد- هەولێر

بەهۆی بوومەلەرزەكەوە 20 چەكداری داعش لەزیندانەكانی رۆژئاوای كوردستان هەڵهاتوون

سەرچاوەیەك لە بەرپرسانی زیندانیەكانی رۆژئاوای كوردستان بە ئاژانسی فرانسی پرێسی راگەیاندووە بەهۆی بوومەلەرزەكەوە زیاتر لە 20 زیندانی هەڵهاتوون كە زۆربەیان چەكداری داعشن.

زیندانیەكان لە شارۆچكەی رۆجایە لە پارێزگای عەفرین، زیاتر لە دوو هەزار زیندانی تێدایە، هەزار و 200ـیان چەكداری داعشن و لە ژێر دەستی پۆلیسدان و بەشێك لە زیندانیەكانیش چەكدارە كوردەكانن كە دەستگیركراون.

بەرپرسی زیندانەكە قسەی بۆ  ئاژانسەكە كردووە دەڵێت: لەكاتی بوومەلەرزەكەدا بەشێك لە زیندانییەكان كردوویانە بە دەنگەدەنگ و هەراو بەشێك لە زیندانەكەیان كۆنترۆڵكردووە.

سەرچاوەیەك لە مانگی سوری سووریا پشتڕاستی كردووەتەوە، زیندانییەكان بەشێكی زیندانەكەیان كۆنترۆڵكردووە و زۆر دڵنیا نین لەوەی چەند زیندانی رای كردووە.

بەهۆی بوومەلەرزەكەوە لە سووریا و رۆژئاوای كوردستان زیاتر لە هەزار و 500 كەس گیانی لەدەستداوە و سێ هەزار كەسیش برینداربوون.