964+

دیلان محەمەد – سلێمانی

لەوەتەی هەیە لە خەمی رازاندنەوەی باخ و باخچەکاندایە ئێستا لە نێو لیستی خانەنشینکراوەکاندایە و دەبێت هەم فەرمانگەکەیی و هەم ئەو باخچەیەش جێ بهێڵێت کە چەند ساڵە بە دەست و پەنجەی خۆی گەورەی دەکات.

ساڵح قادر، بەڕێوەبەری باخچەکانی گەشتوگوزاری سلێمانییە، دوای سی ساڵ لە خزمەتکردن، ئێستا بەهۆی خانەنشینییەوە دەبێت ماڵئاوایی لە باخچەکەیی و هاوڕێکانی بکات.

20  ساڵی رەبەقە لەگەڵ هاوسەرەکەی بەیەکەوە لە هەمان فەرمانگە کار دەکەن، ئێستا هاوسەرەکەی بەڕێوەبەری کارگێڕی گەشتوگوزاری سلێمانییە، رەنگە هیچ کەس بەقەد ئەو تێنەگات ئەم خانەشینبوونە چ مانایەکی هەیە.

هاوکار و هاوپیشەکانی ساڵح قادر لە شوێنی ئیشەکەی گەواهی دڵسۆزی و خۆشەویستی بۆ کارەکەی دەدەن و بەڕێوەبەرەکەی بە 964ـی وت، لە شوێنی خۆی کەسی شیاوی جێهێشتووە، بەڵام دەبێ هەموو رۆژێک سەردانمان بکات.

راستە، ساڵح لەگەڵ خانەنشین بوونی بەشێکی گەورەی رۆحی جێدەهێڵێت، بەڵام لەناو ماڵەکەی خۆیدا باخچەیەکی گەورەی دروستکردووە و بێ گوڵ و گوڵزار نابێت.

پێداچوونەوە: ژێوار خدر

ژمارەیەک ئاژەڵدار: نەمان بینیوە مەڕ و بزن نزای باران بارین بکەن

964+

ئەرسەلان عەبدوڵا

پارێزگاری هەولێر رایگەیاند، نرخی غازی پاڵپشتیكراو لە لایەن حكومەتی هەرێمەوە هەر وەك خۆیەتی، بۆیە ئەوەی لەسەر هاوڵاتیان گرانی بكات، ئیجرائاتی لەگەڵ دەكەن.

ئومێد خۆشناو ئەمڕۆ شەممە 1.3.2025 لە كۆنگرەیەكی رۆژنامەوانیدا باسی ئەوەی كرد، “هیچ كێشەیەك نییە لە دابینكردنی غاز بۆ هاوڵاتیان، بۆیە نرخی غازی پاڵپشتیكراو لە لایەن حكومەتەوە وەك خۆیەتی، هەر بریكار و فرۆشیارێكیش نرخەكەی لەسەر هاوڵاتیان گران بكات، ئیجرائاتی لەگەڵدا دەكەین، بەڵام بۆ نرخی غازی بازرگانی لە بازاڕدا، ئەوە رەنگە گران بووبێت”.

هەروەها ئاشكرای كرد، خەریكن لەگەڵ لایەنە پەیوەندیدارەكان كۆبوونی ئەلیكترۆنی تایبەت بە سووتەمەنی دەهێننە ئاراوە، كە هاوڵاتیان دەتوانن بۆ دابینكردنی سووتەمەنی بە ئاسانی سوودی لێوەربگرن.

هەروەها سەبارەت بە ئەگەری گرانكردنی نرخی كەلوپەل لە بازاڕەكانی هەولێر، پارێزگاری هەولێر رایگەیاند، لەمبارەیەوە چەند بڕیارێكمان دەركردووە و داواكارین بازرگانان و خاوەن ماركێت و سوپەرماركێتەكان پێوەی پابەندبن، چونكە هەر كەسێك كەلوپەل و پێداویستی هاوڵاتیان گران بكات، بە تایبەتی لەم مانگەدا، ئیجرائاتی توندی لەگەڵ دەكەین و ناوەكانیشیان بڵاودەكەنەوە.

قسەكانی ئومێد خۆشناو بۆ میدیا، لە هەڵمەتی پاكڕاگرتنی مزگەوتەكانی هەولێر بوو، كە ئەمڕۆ دەستیپێكردووە و لەلایەن بەڕێوەبەرایەتیی خزمەتگوزاری و ژینگەپارێزی، سەر بە شارەوانیی هەولێر رێكخراوە.

کەمبوونەوەی غاز کاریگەری کردووەتە سەر نرخەکەی و بەرزبووتەوە