"ماتۆڕیان دزیوە و بەکارهێنەری مادەی هۆشبەر بوون"
پۆلیسی هەولێر باندێکی پێنج کەسی دەستگیر کرد
964+
توانا نەقی
لەلایەن پۆلیسی هەولێرەوە باندێکی پێنج کەسی دەستگیر کراون بە تۆمەتی دزینی ماتۆڕسکیل و بەکارهێنانی مادەی هۆشبەر.
ئەمڕۆ چوارشەممە، پۆلیسی هەولێر بڵاویکردەوە، ئەو پێنج تۆمەتبارەی دەستگیریان کردوون چواریان پیاون و یەکێکیان ژنە و دانیشتووی شاری هەولێرن.
دەشڵێت، تۆمەتبارەکان دانیان ناوە بە تاوانەکەیاندا کە ئەو پارەیەی لە دزینی ماتۆڕسکیل دەستیان کەوتووە، لە مادەی هۆشبەر و کاری خراپ بەکاریان هێناوە.
هەروەها دانیان بەوەداناوە کە تۆمەتبارە ژنەکەیان لەناو کابینەیەکدا جێهێشتبوو و دەرگاشیان لەسەر داخستبوو، هەر بۆیە پۆلیس بەزوویی چووە شوێنی مەبەست و ئژنەکەشی رزگار کرد.
ئێستا هەریەک لە تۆمەتباران (ا. ح. ص) و (ا. ح. م) و (ا. م. ر) و (د. م. ح) و (ش. ع. خ) پەڕاوی لێکۆڵینەوەیان بۆ رێکخراوە و رادەستی دادگا کراون.
