سەربازێكی هاوپەیمانی نێودەوڵەتی لە چیای حەمرین كوژرا

964+
ئەرسەلان عەبدوڵا

فەرماندەیی ناوەندیی هێزەكانی ئەمریكا رایگەیاند، سەربازێكی هێزەكانی هاوپەیمانی نێودەوڵەتی كوژراوە و دووانی دیكەش بریندار بوون، ئەمەش لە ئۆپەراسیۆنەكانیان دژی چەكدارانی داع*ش* لە سنووری چیای حەمرین.

فەرماندەیی ناوەندیی هێزەكانی ئەمریكا CENTCOM لە راگەیاندراوێكدا ئاشكرای كرد، ماوەی هەفتەیەك لە 30.12.2024 تا 6.1.2025 لە ئۆپەراسیۆنێكی هاوبەشدا لەگەڵ هێزەكانی عێراق لە ناوچەی چیای حەمرین لە نێوان هەردوو پارێزگای دیالە و سەڵاحەدین دەیان چەكداری داع*ش*یان كوشتووە لە ناو ئەشكەوتێكدا و چەند هێرشێكیان ئەنجامداوە.

هەروەها ئاماژەیان بەوەكردووە، هێزی ئاسمانییش لەو هێرشانە بەشداربوون و بە فڕۆكەی جۆرەكانی F-16 وF-15 s وA-10 sو A-10 sمۆڵگە و پێگەی چەكدارانی داع*ش*یان بۆردومان كردووە.

سێنتكۆم دان بەوەدا دەنێن، لە چەند هێرشێكدا چەكدارەكان رووبەڕووی هێزەكانیان بوونەتەوە، لە ئەنجامی ئەمەشدا سەربازێكی هێزی هاوپەیمانی كوژراوە و دووانی دیكەش بریندار بوون، كە ئەمریكی نین، بەڵكو لە هێزی وڵاتانی دیكەی هاوپەیمانیەتییەكەن.

هاوپەیمانی نێودەوڵەتی لە هاوکاریکردنی پێشمەرگە بەردەوام دەبێت