نرخی نەوت بەرەو دابەزینە
دۆلار بەرزبووەتەوە
نرخی نەوت بەرەو دابەزینە
964+
ئەرسەلان عەبدوڵا
نرخی نەوت لە بازاڕەکانی جیهاندا لە دەوروبەری 76 دۆلار دەخولێتەوە و بەرەو دابەزینە، ئەمەش بەهۆی بەرزبوونەوەی نرخی دۆلار.
ئەمڕۆ سێشەممە 7.1.2025 نرخی نەوت لە بۆرسەدا، بە بەراورد بە دوێنێ دووشەممە كەمێكی دیكە دابەزیوە و نرخی یەك بەرمیل نەوتی خاوی برێنت بە 76.02 سەنت مامەڵەی پێوە دەکرێت، بە گشتییش بەرەو دابەزینە.
سەبارەت بە نرخی بەرمیلێک نەوتی خاوی تەکساسیش، زیاتر لە برێنت دابەزیوە و ئەمڕۆ بە 73.23 سەنت مامەڵەی پێوە دەكرێت، كە بە بەراورد بە دوێنێ نزیكەی 50 سەنت دابەزیوە.
بە گوێرەی شیكردنەوەی شارەزایانی بازاڕی نەوت، پێشبینی دەكرێت ئەم هەفتەیە گۆڕانكاری بەسەر نرخی نەوتدا بێت.
پریانكا ساشدیڤا شیكەرەوەی بازاڕی نەوت لە بۆڕسەی فیلیپ نۆڤا بە ئاژانسە ئابوورییەكانی راگەیاندووە، بەرزبوونەوەی نرخی دۆلار، وایكردووە نرخی نەوت دابەزێت، چونكە لەسەر ئەوانەی دراوی دیكە بەكاردەهێنن خەرجییەكانی زیاتری دەبێت.
