چهند دیمهنێكی كاتى گهیشتنى كهلوپهلى كردنهوهى ئۆفیسهكه له ههڵهبجه... وێنه: JCC ـى ههڵهبجه.
بۆ ئهوهى له ههڵهبجه بمێننهوه
ئۆفیسێكی تایبهت بۆ هاوكارى ئهو هاوڵاتیانه دهكرێتهوه كه له ئهوڕوپا و ئهمریكا دهگهڕێنهوه
فهرهاد حهسهن
له ههڵهبجه ئۆفیسێك دهكرێتهوه هاوكارى و كارئاسانى بۆ ئهو خێزانانه دهكات كه له ئهوروپا و ئهمریكا دهگهڕێنهوه پارێزگاكه، بهڕێوەبهرى JCC لهو پارێزگایه دهڵێت، هاوكارى تهواویان دهكهن بۆ ئهوهى له ههڵهبجه بمێننهوه.
ئۆفیسی گەڕاوەی نیشتمانی NRM سەر بە بەڕێوەبەرایەتی کۆچ و کۆچبەران و وەڵامدانەوەی قەیرانەکانه لهلایهن یهكێتیى ئهوڕوپاوه پاڵپشتى دهكرێت و له ههولێر و سلێمانى دهۆك ئۆفیسهكه كراوهتهوه له پارێزگای هەڵەبجەش كردنهوهى دەستی پێکردووه.
فریاد نهجمهدین، بهڕێوهبهرى بەڕێوەبەرایەتی کۆچ و کۆچبەران و وەڵامدانەوەی قەیرانەکانى ههڵهبجه JCC به 964ـى راگهیاند، له زۆر رووهوه هاوكارى و كارئاسانى بۆ ئهم خێزانانه دهكهن، كه له وڵاتانى ئهوروپا و ئهمریكان و دهیانهوێت بگهڕێنهوه ههڵهبجه.
وتیشی “جگه له پشتگیریكردنیان به نووسراوى فهرمى كه له ههر دامودهزگایهك پێویستیان پێبێت، پێدوایستى و كهلوپهلى جیاوازیشان بهسهردا دابهش دهكهن”.
ئاماژهى بهوهش كرد، كارهكانى ئهم پڕۆژهیه لهلایهن ناوەندی هاوبەشی هەماهەنگی قەیرانەکانی سەر بە وەزارەتی ناوخۆ جێبەجێ دەکرێت و رێکخراوی GIZـی ئەڵمانیش پاڵپشتی مادی دەکات.
روونیشیكردهوه، كهلوپهل و پێداویستییهكانى نێردراوه و لهداهاتوویهكى نزیك دهكرێتهوه و دهست بهكار دهبێت.